Sjóklæðin

Sjóklæðin er saumuð úr kindaskinni. Skinnið var rakað, þvegið og skafið. Um 6-8 kindaskinn þurfti til að sauma ein sjóklæði, en gallinn er brók heil undir yl og nær upp undir hendur ásamt treyja með löngum ermum. Buxurnar voru festar upp með snæri og það notað líkt og belti. Einnig voru menn með klofband, sem var til þess að hægt væri að ná taki á mönnum ef þeir duttu í lendingu. Þar sem gallinn er svo sleipur í vatni að ef ekkert klofband er til staðar er ómögulegt að ná taki á manninum.

Einnig voru menn með tvíþumla belgvettlinga úr ull. Og svo má ekki gleyma sjóhattinum.

Ný sjóklæði saumuð.
Sumarið 2010 var ráðinn til Ósvarar fatahönnuðarneminn Sandra Borg Bjarnadóttir til þess að gera rannsóknir á skinnklæðum sem að safnverðir í Ósvör klæðast. Farið var á önnur söfn og klæði þar skoðuð til að öðlast þekkingu á gerð þeirra. Gert var snið af sjóklæðum og prufur saumaðar en svo gerð ný skinnklæði sem bentu til að væri með besta sniðinu skv. niðurstöðu rannsóknanna á skinnklæðunum.  

 


Sjóminjasafnið Ósvör | Við Óshlíðaveg | Skrifstofa: Aðalstræti 21 (hjá Náttúrustofu Vestfjarða) |415 Bolungarví­k | Móttökusími: 892-5744 | Skrifstofa: 456 7005 | osvor (hjá) osvor.is